Fjaler kommune har til rest NOK 250 000 kroner i kommunal kompensasjonsmidlar, løyvd av Stortinget. Målet med ordninga er å hjelpe lokalt næringsliv som har blitt hardt ramma av smitteverntiltak i 2021, og som heilt eller delvis har falle utanfor dei generelle kompensasjonsrdningane.
Fordeling og framdrift er basert på mål og føringar frå Kommunal-og moderniseringsdepartementet.
Kven og kva kan det gjevast tilskot til
Midlane skal brukast på tiltak for små og mellomstore lokale verksemder, etablerarar og andre næringsaktørar som:
- helt eller delvis har falle utanfor dei generelle kompensasjonsordningane
- har kostnader eller tap som følge av smitteverntiltak og nedstegning
Ordninga skal ikkje avgrensast til å gjelde spesielle bedrifter eller bransjar, men følgjande verksemder skal særleg prioriterast:
- Reiseliv, arrangement og serveringsstader
- Destinasjonsselskap og andre fellestiltak for reiseliv
- Tilskot til autoriserte besøkssenter for natur og verdsarv, som på grunn av pandemien har stor omsetningssvikt i 2021.
Storleik på tilskotet som det kan søkjast om
Ingen størrelse er satt, men disponible restmidlar tilgjengeleg for denne ordninga er på NOK 250 000.
Krav til søkarane
- Verksemda må ha forretningsadresse i Fjaler kommune
- Verksemda må ikkje vere under konkursbehandling eller under frivillig/ tvungen avvikling.
- Opplyse om kva anna offentleg støtte foretaket har mottatt i løpet av 2019, 2020 og 2021.
- Grunngje årsaka til at verksemda har falle heilt eller delvis utanfor den generelle kompensasjonsordninga.
Søknadsfrist: 08.10.21
Søknadsportal og forholdet til regelverket
Søknad om tilskot skal registrerast i søknadsskjema på regionalforvaltning.no. Ordninga er lyst ut som eit eige kommunalt næringsfond med tittel « Kommunal kompensasjonsordning for Fjaler kommune».
Tilskot til verksemder må vera i samsvar med regelverket for offentleg støtte.