Om Bulyst

Korleis kan det bli meir attraktivt å busetje seg i distriktskommunar?  Dette spørsmålet er utgangspunktet for ei satsing på Bulyst regi av Kommunal- og regionaldepartementet. Satsinga vart varsla i Stortingsmelding nr 25 (2008-2009) Lokal vekstkraft og framtidstru.
 
Måla for satsinga på bulyst er å:

• Legge til rette for at distriktskommunar vert meir attraktive som varig bustad
• Samle kunnskap om kva som påverkar folk sine val når det gjeld bustad

Denne satsinga skal fokusere på tiltak som kan gjere distriktskommunane meir attraktive å bu i. Departementet er oppteken av at satsinga skal støtte opp under gode lokale og regionale pilotprosjekt som er godt forankra.

PreForm

Vidareutvikling av Fjaler kommune som arena for internasjonal kunst og kuturproduksjon.

Fjaler Kommune har ei lang historie der det internasjonale og kunst og kultur har vore eit av dei bærande elementa i stadutviklinga. Fleire med bakgrunn i kunst og kulturnæringa har funne miljøet denne satsinga har skapt, attraktiv.

I forprosjektet ynskjer Fjaler kommune ved gruppa FUTT i Fjaler  å utgreie postensiale for vidareutvikling av kulturnæringa i kommunen - med sikte på å gjere Fjaler til ein attraktiv produksjonstad og marknad for kunst- og kulturproduksjonar.

Hovudmålet er å utreie lokalitetar, finansiering og framtidig driftsmodell for kunst og kulturnæringa i Fjaler.  Ein ser på korleis ein kan vidareutvikle og styrke strategiar gjennom samhandling, samordning, marknadsføring, omdømmebygging både på regionalt, nasjonalt og internasjonalt nivå.

Prosjektet vil starte opp til hausten og skal vere ferdig våren 2011.

Pressemelding frå Kommunal og regionaldepartementet finn du her