Helse Vest Regionale helseføretak ynskjer å utvide driftsavtala med Røde Kors Haugland Rehabiliteringssenter. Auke i bemanning betyr at senteret kan tilby fleire pasientplassar, raskare behandling og eit meir tilpassa tenestetilbod. Ein vil også opne eit heilt nytt dagtilbod, der pasientar kan komme på dagtid og reise heim etter behandling. Gjennom den nye avtala får senteret moglegheit til å auke den faglege kometansen, noko som både styrkar tilbodet og kjem lokalmiljøet og nabokommunar tilgode. Senteret vil i løpet av kort tid søke etter lege, fysioterapeutar, idrettspedagog, ergoterapeut og administrasjonsmedarbeidarar og assistentar.

Administrerande direktør, Inger Johanne Osland, rosar engasjementet til dei tilsette ved senteret og saman set dei seg nye mål for å sikre framtida.

Når Helse Vest fordeler sine avtalar vert dette gjort gjennom anbodskonkurransar, der ein legg størst vekt på kvalitet, og deretter pris og tilgjengelegheit.