Kontorhotellet i Dale senter

På Kontorhotellet satsar ein på fellesløysingar. Her deler nye og spennande Fjaler-verksemder både maskinpark, kontorlandskap og pauserom.

Kontorhotellet vart etablert av Fjaler Næringsutvikling 1. august 2006 og ligg i tredje høgda i Dale Senter. Det er meint å vere eit servicetilbod til verksemder i Fjaler, og tilbyr mellom anna lokaler for etablererar og fellesløysingar på breidbandstilkopling og maskinpark.

Det er i dag sju medlemsverksemder som har kontor i tredje høgda i Senteret. Her har ein tilgang på felles kontorutstyr, som faks, skrivar og scanner. I tillegg har ein felles lunsjrom, som gjer at det blir eit godt miljø mellom bedrifter som elles hadde jobba på eigenhand.

For meir informasjon, ta kontakt med Fjaler Næringsutvikling